Ezker Anitza IU Ezker Anitza IU
Deba, 2023ko ekainaren 14a
Elkarrekin Podemos, Ezker Anitza-IU, Berdeak Equo, Alianza Verde koalizioa ez dator bat Elkarrekin Deba Orain herri-plataformak EAJrekin akordio bat sinatzeko hartu duen erabakiarekin, udalerrian koalizioan gobernatzeko.
Orain Debak hartutako erabakia aldaketaren aldeko gobernu aurrerakoi eta ezkertiar baten aldeko apustuaren aurka doa, eta, horregatik, koalizioak ez du bere gain hartzen herritarren plataformaren erabakia, eta joan den maiatzaren 28ko udal hauteskundeetarako ezarritako loturak hautsi egin ditu.
Elkarrekin Podemos, Ezker Anitza-IU, Berdeak Equo, Alianza Verde koalizioak ezarritako helburua – askotan esan duen bezala-, aldaketaren aldeko gobernuak erraztea ezker eraldatzaile eta ekologista den aldetik, eta helburu hori ez da inolaz ere ez euskal eremu kontserbadoreari euskal instituzioetarako sarrera ahalbidetzea.
Orain Debak hartutako erabakiak ez du koalizioa osatzen duten alderdien babesik izan, eta koalizioa eratzen duten alderdiek erabaki hori akats larria dela uste dute, izan ere, euskal eskuinarekin itunak egiteak ez baitakar politika aurrerakoietan aurrera egitea, ez Deban, ezta beste inongo udalerritan ere.
Horrela, koalizioak egokitzat jotzen dituen neurriak hartuko ditu erabaki hori hartu dutenei begira, hain zuzen ere hartutako erabakia gobernu aurrerakoiak eta ezkerrekoak bultzatzeko apustu garbiaren aurka doalako, hori baita murrizketen politika neoliberalari amaiera emateko eta herritar guztien eskubideetan aurrera egitea bermatzeko modu bakarra.