Ezker Anitza IU Ezker Anitza IU
Bilbao, 2120eko otsailaren 12a
Xabi Jiménez Elkarrekin Bilbao Udal Taldeko Ezker Anitza-IUko zinegotziak, datorren otsailako osoko bilkuran aurkeztuko du udal basozaintza zerbitzu publikoa berreskuratzeko proposamena. Ezkerreko koalizioko zinegotziaren ustez, «Gaur egun Bilboko basoetan eta mendietan mantentze-lanak egiten dituen udalaren kontrata bat dago, baina bere ezaugarriengatik, ez dira basozaintzaren funtzioetara egokitzen».
Zentzu horretan, Jiménezek gogorarazi duenez, «Basozaintzaren funtzioak mantentze soilaz baino haratago doaz. Bilboko udal-mugartean, basoak zaintzeko, kontrolatzeko eta mantentzeko lanak egiten dituzte, eta legeak eta araudia betetzen direla bermatzen dute «.
Basozain zerbitzu publiko bat egoteak, adibidez, «Ehizatik eratorritako arazo asko» konponduko lituzke, «hainbat erakunde ekologistak, ingurumenekoek eta auzokoek salatu daben bezala».
Funtzio horiek, gaur egun, ez dute pertsonarik esleituta, duela urte batzuk Pagasarriren azken zaindaria, Rafa Toral, hil ostean. Hori dela eta, ezkerreko alderdiak lanpostua berreskuratzea ez ezik, udal-egiturako basozainen plazak desagertzeko prozesua ezabatzea ere eskatuko du.
Azkenik, Xabi Jimenezek gogorarazi du, Bilbon udal-titulartasuneko 765 unada hektarea baino gehiago daudela Artxanda, Avril mendia, Arnotegi, Pagasarri eta Arraiz inguruetan.
