Ezker Anitza-IU CCOO Euskadiko zuzendaritzarekin bildu da egoera sozio-laborala aztertzeko eta eskubide sozial eta laboraletan aurrera egiteko ahaleginak batzeko

Isabel Salud Ezker Anitza-IUko koordinatzaile nagusiak nabarmendu duenez, «Ezker politiko eta sindikaletik presioa egitea garrantzitsua da, eskubideetan aurrera egiteko eta krisitik bestelako irtenbide bat egituratzeko, Gobernua eta sindikatuak egiten saiatzen ari diren bezala».

Bilbao, 2021eko otsailaren 24a

Isabel Salud Ezker Anitza-IUko koordinatzaile nagusia eta Iñigo Martinez Zatón legebiltzarkidea Loli García CCOO Euskadiko ordezkari nagusiarekin bildu dira gaur, Bilbon. Topaketan Euskadiko egoera sozial eta laboralari heldu zaio, eskubide sozialetan aurrera egiteko garrantzi berezia duen une honetan Unidos Podemosek Gobernu zentralean parte hartzen du eta.

Ezker Anitzako Koordinatzaile nagusiak nabarmendu duenez, garrantzitsua da alderdi politiko eta sindikalak adostasunez lan egitea lan erreforma iraultzeko, Gutxieneko Soldata igotzeko eta Alderdi Sozialistak pentsioak murrizteko duen edozein tentazio geldiarazteko. Zentzu horretan, Saludek azaldu duenez, bai Ezker Anitza-IUk bai CCOOk bat egiten dute «Gobernu akordioa eta elkarrizketa soziala funtsezkoak direla krisitik bestelako irtenbide batean sakontzeko, Gobernua eta sindikatuak saiatzen ari diren bezala».

Bestalde, Iñigo Martinez Zatón Ezker Anitza-IUko legebiltzarkideak, CCOOko zuzendaritzarekin batera, Eusko Legebiltzarraren eta Euskadiren gaurkotasuna errepasatu du, eta nabarmendu du «EAJk eta PSEk gehiengo osoa izan arren, legegintzaldi honetako funtsezko gaiak bultzatzeko lanean jarraitu behar dugula, hala nola Lanbideren eta Diru-sarrerak Bermatzeko Errentaren erreforma eraginkorra, pertsona ahulenei eskubideak bermatzeko».

Azkenik, Isabel Saludek esan du Ezker Anitza-IUk eta CCOOk «presio handiagoa egin behar dutela eskubide sozialetan aurrera egiteko, langileen bizi-baldintzak hobetzeko».