Ezker Anitza-IU alderdi politikoak babestu du Euskaraldiaren ekimena. Hori dela-eta, bai kargu publikoek, bai langileok, horretan parte hartuko dugula adierazi dugu.

Hamaika egunetan Ahobizi edo Belarriprest izateko konpromezua hartu dugu eta, aldi berean, gure egoitza nagusietan iniziatibaren aldeko materiala eskuragarri egongo da. Beti adierazi dugun moduan, eskubide linguistikoak betetzea ezinbestekoa da eta, gaur egun, euskaraz ikasi eta bizitzea oso zaila da.

Gainera, horrelako ekimenak beharrezkoak direla azpimarratu dugu, euskararen egoera agerian uzteko eta normalizazio errealaren aldeko pausuak emateko.

Horrenbestez, Ezker Anitza-IUk Euskaraldiarekin bat egiten du, Gabriel Arestik esaten zuen moduan, “Euskaldun guztiak berdin bizi gaiten”.