Ezker Anitza IU Ezker Anitza IU
Koalizioak ekimenak aurkeztu ditu Eusko Legebiltzarrean eta Gipuzkoako Batzar Nagusietan zerga ordaintzetik salbuetsita dauden errentatzat har daitezen, konpentsazio horiek amiantoarekin lan egiteagatik edo kontaktuan egoteagatik jasandako kaltea konpontzen lagun dezaten
Bilbao, 2023ko urtarrilaren 17a
Elkarrekin Podemos IUk Pertsona Fisikoen Errentaren gaineko Zergaren (PFEZ) salbuespena eskatu du 2022ko urriaren 19an onartu zen amiantoaren biktimentzako konpentsazio-funtsa sortzeko Legean aurreikusitako kalte-ordainetarako, GIB birusak jotako pertsonen kasuan gertatzen den bezala.
Jon Hernandez Ezker Anitza-IUko legebiltzarkideak, Elkarrekin Podemos IU koalizioan, eta Elkarrekin Gipuzkoa batzarkide taldeak proposamen bana erregistratu dute Eusko Legebiltzarrean eta Gipuzkoako Batzar Nagusietan, konpentsazio funtsaren onuradunek kalte-ordaina jasotzen dutenean PFEZa ordaindu behar ez izateko zerga-salbuespena jasotzeko.
21/2022 Legeak ez du zerga-salbuespenik jasotzen, baina Arabak, Bizkaiak eta Gipuzkoak zuzeneko zergetan eskumen esklusiboak dituztenez, salbuespen hori Aranako, Bizkaiko eta Gipuzkoako PFEZaren araudian sar daiteke, Legebiltzarrean aurkeztutako legez besteko proposamena jasotzen baitu. Era berean, testuan Euskal Autonomia Erkidegoko Zerga Koordinaziorako Organoari eskatzen zaio erabaki dezala zerga-salbuespena Pertsona Fisikoen Errentaren gaineko Zergan sartzea hiru lurralde historikoetan.
Gipuzkoako Batzar Nagusietan proposamena
Bestalde, Arantza Gonzalez Elkarrekin Gipuzkoa taldeko Ezker Anitza-IUko batzarkideak azpimarratu duenez,” amiantoaren biktimekin aspalditik dago zorra, eta neurri horrek lagundu behar du konpentsazio horiek substantzia kantzerigeno horrekin lan egiteagatik edo kontaktuan egoteagatik jasandako kaltea konpontzen”.
Arantza Gonzalezek gogorarazi du “Gipuzkoan amiantoa erabili duten enpresa asko eta asko izan direla amiantoaren eraginpean egotearen ondorioz gaixotasunak hartu dituzten langileak eta haien familiak, eta kasu askotan haien heriotzen kausa izan direla”.
Horregatik, Elkarrekin Gipuzkoak eskatu du Batzar Nagusiek Gipuzkoako Foru Aldundiari eska diezaiotela behar diren aldaketak egin ditzala foru araudian, amiantoa konpentsatzeko funtsa sortzeko Legetik eratorritako konpentsazioak tributaziotik salbuetsitako errentatzat jotzeko.
