Ezker Anitza IU Ezker Anitza IU
«Euskal langileen gehiengo sozial horren nahiak eta proposamenak irudikatuko dituzten programa eta hautagaitzak sortzeko prozesu herrikoia abian jartzea da kontua, politika-aldaketa bultzatzeko kalera ateratzen ari baita»
Bilbo, 2023ko urriaren 28a. Ezker Anitza-IUko Euskadiko Koordinakundeak berretsi egin du esparru politiko ahalik eta zabalena sortzearen aldeko apustua, «bide politiko eta elektoralekoa baino, kalera ateratzen ari den euskal langileen gehiengo sozial horri politikak aldatzeko eskatuz». Horretarako, «Euskadi aldatzeko eta herri hau eraldatuko duen gehiengo aurrerakoia egituratzeko» deia egin die ezkertiarrei.
«Ahalik eta prozesu programatiko zabalena sortzeko deia egiten dugu, hauteskunde autonomikoei begira, justizia sozial eta fiskalaren, feministaren, ekologistaren eta inklusiboaren aldeko proposamena eta hautagaitza sortzeko eta bizikidetza eta demokrazia sustatzeko», adierazi du Iñigo Martinez Zaton Antolakuntza idazkari eta legebiltzarkideak.
Ezker Anitza-IUren proposamena Euskadi eraldatzeko «Herri Taupada, Herri Bultzada» manifestuan islatu da, eta Euskadiko Koordinakundeak berretsi egin du. «Mobilizazioen eta zerbitzu publiko indartsuen eskariaren egungo testuinguruan, kaleetan ikusten ari garen taupada hori bideratzeko baliagarria izango den alternatiba eraldatzailea antolatzeko gai izan behar dugu, Euskadik gizartea eraldatzeko behar duen bultzada izan dadin», azpimarratu du Antolakuntza idazkariak.
Martinez Zatonek gogora ekarri du Ezker Anitza-IUk azken urteotan euskal gizartea eraldatzeko egindako lana, eta «gure erakundeen mugak ere gaindituko dituen ahalik eta espazio zabalena» sortzeko duen zeregina aldarrikatu du.
Ezker Anitza-IUko Antolakuntza idazkariak azaldu duenez, helburua da egungo koaliziotik haratago joango den eta Euskadik behar duen ezkerrerako bira bultzatzen lagunduko duten beste eragile eta pertsona indibidual batzuk bilduko dituen espazio politiko komun eta programa bat aurkitzea.
«Euskal langileen gehiengo sozial horren nahiak eta proposamenak ordezkatuko dituen programa bat sortzeko prozesu herrikoia martxan jartzea da helburua, aldaketa politikoa bultzatzeko», adierazi du.
Zerbitzu publikoen defensa
Iñigo Martinez Zatonen esanetan, «Urkulluk kalera entzun behar du», eta «Ezker Anitza-IUk osasun publikoa, hezkuntza publikoa eta gizarte zerbitzuak defendatzen jarraituko du, EAJ eta PSE egiten ari diren lan baldintzen eta kalitatearen okertzearen aurrean».
Horregatik, Ezker Anitza-IUk dei egin du «Euskadin datozen egunetan zerbitzu publikoen, eskola publikoaren, zaintza-sistema publiko baten eta langileen eskubideen alde egingo diren mobilizazioetan aktiboki parte hartzera».
